Hordhac
Noah Kagan, waa milkiilaha shirkada Appsumo oo software-da ka shaqaysa, buugan caanka ah ayuu ku soo bandhiga fikrad soo jiidasho yeelatay, dulucdeeduna tahay hadii aad doonayso ganacsi inaad bilawdo ha sugin kharash badan iyo wakhtiga ku haboon ee durba bilaw. dabayaaqada isbuuca fikradaada u soo bandhig dadka aad isleedahay way danaynayaan, hadii ay diyaar u yihiin inay lacag ku bixiyaan wax aad sii sugto maleh horay usii gal cid kumaal galiso u raadso maalinka xiga. hadaba qormadan dhamayso si aad u fahanto tallaabooyinka ay tahay inaad qaado marka aad bilawga ganacsi guulaysta.
Fikradda Ugu Weyn ee dhiganaha
Buuggu wuxuu ku dhisan yahay mabd’a ah: fulinta degdeg ah ayaa ka fiican qorshe aan dhammaad lahayn. Waxaad baraneysaa:
- Sida loo helo bahida dadka .
- Sida loo xaqiijiyo in dadka ay diyaar u yihiin inay kaa iibsadaan khidmada ama badeecada.
- Sida loo iibiyo adigoo aan wax badan qarash gareynin.
- Sida fikraddaada loogu bilaabo toddobaad gudihiis — xataa 48 saacadood!
Qodobbada Ugu Muhiimsan
A. Raadi Xanuunka dadka
Ganacsi wanaagsan waxa uu billaabmaa marka aad xalliso dhibaato ay dadku dareemayaan. Talo: Ha waqti lumin — ka warayso dadka agtaada ah waxa ay ka cabanayaan.
B. Xaqiiji Ka Hor Inta Aadan Dhisin
Noah wuxuu leeyahay: Ha bilaabin inaad wax soo saar sameyso ilaa aad hubiso in dadku lacag kaa siin doonaan. Waxaad isticmaali kartaa:
- Su’aalo sahlan oo aad dadka ku weydiiso.
- Inaad sameyso dalab hore/pre-order.
C. 48 Saacadood Gudahood iib ku samee
Hadafku waa: Ha sugin inaad “u diyaar garowdo” muddo dheer — samee dalab degdeg ah oo tijaabo ah. Noah wuxuu ku siinayaa tusaale ahaan fariimo iyo bogag sahlan oo iib ah.
D. haka cabsan Guul-darro
Qof walba wuu guul-darraystaa marka hore. Waxa muhiimka ah waa inaad wax barato oo aad mar kale isku daydo.
Sheekooyin Xiiso Leh
Noah wuxuu buugga ku sheegay sida uu markii ugu horreysay u iibiyay badeeco asaga oo aan haysan badeeco diyaar ah. Waxa uu dadka tusayaa in mararka qaar “horay u iibso oo kadib samee” ay tahay waddada ugu fiican.
Tallaabooyin Degdeg ah oo Aad Qaadi Karto
Markaad qoraalkan akhriso kadib, isku day saddexdaan:
✅ Liis garee 5 mushkilad oo aad aragto dadka Soomaalida ah ee kugu xeeran.
✅ Wac 3 qof oo aad weydiiso: Haddii aad xaliso, lacag makaa siin lahaayeen?
✅ Samee bog kooban ama Google Form si aad dalabyo hore ugu qaadato.
Yuu ku Habboonyahay Buuggan?
- Qof raba inuu ganacsi ku bilaabo lacag la’aan ama lacag yar.
- Shaqsi freelance ah oo raba inuu kordhiyo dakhliga.
- Ganacsade yar oo ku daalay qorshe aan ficil lahayn.
Fikirkeyga Shakhsi Ahaan
Aniga ahaan waxaan jeclahay sida buuggu xoogga u saaray waxqabadka degdegga ah. Waxaan ku talin lahaa dadka Soomaaliyeed inaysan ka cabsan fikrad tijaabo ah — sababtoo ah mararka qaar ganacsi weyn wuxuu ka bilowdaa isku day yar.
Hal shay oo aan is leeyahay: dadka Soomaaliyeed ayaa mararka qaar ka cabsada inay lacag hore bixiyaan — taasi waa caqabad la maarayn karo haddii la fahamsiiyo qiimaha badeecada.
Gunaanad
Haddii aad rabto inaad wax cusub barato, buuggan waa kuu fiican yahay. Wax badan kama baran doontid inaad muddo dheer fariisato oo qorshe qorto — ee waxaad baran doontaa inaad degdeg u dhaqaaqdo.
Qofkii buuggan akhriya waxa uu heli karaa dhiirrigelin uu ku bilaabo ganacsi yar oo koraan doona. Eray aan jecleystay:“Action beats planning every time.” — Noah Kagan.
Waxaad Sameyn Kartaa Hadda
✅ Akhri buugga haddii aad heli karto.
✅ Isku day “Million Dollar Weekend Challenge” adiga oo asxaabtaada ku tartansiinaya.
✅ Fikirkaaga noo reeb: Ma isku dayday inaad wax iibiso 48 saacadood gudahood?
Haddii aad jeceshahay qoraallo noocan ah, subscribe noogu samee xa-raf.com si aad u hesho casharro iyo buug soo koobyo kale oo ku saabsan ganacsi, curinta iyo kobcinta fursadaha!
