Si loo hubiyo in qoraallada lagu soo bandhigayo Xaraf ay noqdaan kuwo tayo sare leh oo waxtar u leh akhristayaasha, waxaan dejinay shuruudo qeexan oo ku saabsan qoraallada. qoraa kasta oo doonaya inuu qoraal ku daabaco Xaraf waa inuu raaco tilmaamaha soo socda:

1. Mawduuca Qoraalka

• Waa in qoraalku ku saabsan yahay mid ka mid ah mowduucyada Xaraf diiradda saarto:
  • Teknoolojiyada: Sida tiknoolojiyada casriga ah, barashada kombiyuutarka, iyo adeegyada dijitaalka ah.
  • Ganacsiga: Sida maamulka ganacsiyada, qorsheynta dhaqaale, iyo fikradaha ganacsiga cusub.
  • Horumarinta Nafta: Sida xirfadaha shaqada, horumarinta maskaxda, iyo korinta kartida shaqsiga.

2. Tayada iyo xaqiiqda Qoraalka

• Qoraalku waa inuu noqdaa mid sax ah oo ka turjumaya xog dhab ah oo lagu kalsoonaan karo.
• Waa inuu yahay mid ku saleysan cilmi-baaris ama waayo-aragnimo shaqsiyadeed oo qiimo leh.
• Waa in qoraalka laga fogaado khaladaadka cilmiga ah.

3. Dheerarka Qoraalka

• Qoraalku waa inuu ahaadaa mid dhexdhexaad ah:
  • Maqaalada Gaagaaban: 600–800 eray.
  • Maqaalada Dhexdhexaadka ah: 800–1200 eray.
  • Maqaalada Falanqaynta Dheer: 1200 eray iyo wixii ka badan.

4. Qaabka iyo Habka Qoraalka

• Waa inuu noqdaa mid si cilmiyaysan u dhisan oo leh qaybo cad:
  1. Hordhac: Soo bandhigaya mawduuca qoraalka iyo muhiimaddiisa.
  2. nuxurka Qoraalka: Sharaxaya mawduuca oo faahfaahsan.
  3. Gabagabo: Soo koobaya fikradaha muhiimka ah iyo talooyinka.
• Qoraalka waa in loo qoraa si fudud oo akhristaha soo jiidanaysa.
• La adeegsado cinwaanno hoose (subheadings) si loo kala qaybiyo qoraalka.

5. Luuqadda iyo Eray-bixinta

• Waa in qoraalka lagu soo bandhigaa Af-Soomaali nadiif ah oo sax ah, iyadoo laga fogaanayo khaladaadka higgaadda iyo naxwaha.
• Erayada teknoolojiyada ama farsamada waa in loo isticmaalaa qaab dadka badankoodu fahmi karaan, haddii loo baahdana waa in sharraxaad la bixiyo.
• Waa in qoraalka laga fogaadaa aflagaaddo, iyo erayada ka hor imaanaya diinta islaamka iyo dhaqanka soomalida.

6. Asalnimada Qoraalka

• Waa in qoraalku yahay mid asal ah oo aan lasoo xadin.
• Qoraallada lagu soo bandhigay meelo kale laguma soo bandhigi karo Xaraf.

7. adeegsiga Sawirro iyo muuqaallo

• Haddii qoraalka lagu darayo sawirro, jaantusyo, ama sharraxaado muuqaal ah, waa inay ahaadaan kuwo sax ah oo sharci ahaan la adeegsan karo.
• Waa in sawirrada lagu lifaaqo sharraxaad kooban si ay u fududeeyaan fahamka akhristayaasha.

9. Xogta Qoraaga

• Waa in qoraagu bixiyo macluumaad ku saabsan naftiisa, sida:
  • Magaca oo buuxa ama magac kaloo qoraagu doorto.
  • Cinwaanka email ama xog kale oo xiriir la leh, haddii loo baahdo.

10. Dib-u-Eegista iyo Tafatirka

• Maamulka Xaraf wuxuu xaq u leeyahay inuu dib u eego qoraallada ka hor inta aan la daabicin.
• Haddii tafatir ballaaran loo baahan yahay, qoraaga ayaa lala socodsiinayaa.

Gunaanad

Shuruudahan waxaa loo dejiyay in lagu hubiyo in qoraallada Xaraf ay noqdaan kuwo tayo sare leh, waxtar leh, oo bulshada si fiican ugu adeegaya. Haddii aad rabto inaad soo gudbiso qoraal, fadlan u soo dir emailka: maamul@xa-raf.com ama buuxi foomka ku lifaaqan halkan https://x.com/xarafmareeg