guusha ganacsiga waxaa lafdhabar u ah qanacsanaanta macmiilka ku xidhan ganacsigaaga, qanacsananta iyo farxada macmiilka waxaa keena adiga oo fahma baahidiisa si sax ahna uga jawaaba. qormadaan waxaan ku falanqayn doonaa tallaabooyinka ay tahay inaad qaado si aad u xaqiijiso raalli ahaanshaha macaamiisha.
maxay ka dhigantahay fahanka macmiilka
inaad garato macmiilka aad la falgalayso waa asaaska guusha ganacsigaaga, waxayna ka dhigantahay in jiritaankaagu waaro, kuuna badbaado hanti badan oo si hubanti la’aan ah xayisiin kaaga bixi lahayd, islamarahaantaana waxaad awood u yeelan dhisida kalsoonida macaamiisha.
si aad u xaqiijiso fahanka macmiilka raac tallaabooyinka soo socda:
tallaabada koowaad: Qeex dadka aad u adeegayso
si aad u garato macmiilka, waa inaad qeexdaa adigoo adeegsanaya da’da, heerka waxbarashada, deegaanka/xaafada, amaba qaab nololeedka, afkaarta uu aaminsanyahay iyo IWM.
tallaabada labaad: uruuri xogta macaamiisha
waxaad isticmaali kartaa waydiimo toos ah, sanduuqa ra’yi uruurinta iyo baraha bulshada ayaad adeegsan kartaa si aad xogta macaamiisha u heshid
talaabada sedexaad: falanqee hab-dhaqanka macaamiisha
dhinacyada aad ka fiirinayso marka aad rabto inaad si qoto dheer u fahanto macmiilkaaga waxaa kamid ah: qaabka wax iibsiga macmiilka, sida uu ku helo adeega aad bixiso, qaabka uu jecelyahay in llogu adeego, iyo culaysyada uu kala kulmo helida baahidiisa.
talaabada afaraad: diyaari listada macaamiisha iyo mid walba waxa uu daneeyo
macaamiishu qaar baa daneeya Qiimaha sikasta oo tayadu ahaato, qaarna tayada ayaa u muhiimsan qiima kastuu ahaado, halka kuwa kale dag dagsiimada iyo raaxadu uga muhiimsantahay arimaha kale oo dhan. in aad kale garato kuuna kale soocanyihiin ayaa muhiim ah.
tallaabada shanaad: adeegso aaladaha teknoolajiyadeed ee kala duwan
adeegsiga aaladaha casriga ah ee kuu fududaynaya fahanka macaamiisha waa laf dhabarka guusha ganacsigaaga waxaana kamid ah:
- salesforce: waa aalad aad ku maamuli karto xidhiidhka macaamiisha.
- google analytics: wuxuu falanqeeyaa macaamiisha kula fal galaysa.
tallaabada lixaad: baadh tartamayaasha iyo suuqa
markasta oo aad rabto kasbashada macaamiisha waxaa lagama maarmaan ah in aad baaris ku samayso suuqa iyo ganacsiyada kula midka ah, si aad ula jaanqaadid baahiyaha suuqa una falgashid baahida dadka.
tusaale ahaan: waxaad tijaabin kartaa inaad u bixiso adeega si gooni ah kadibna aad fiiriso sida dadku ula fal galaan.
tallaabada todobaad: taaba gali natiijada xogta macaamiisha
xog uruurinta aad samaysay kama dhigno inaad meel ku kaydiso balse waxaa la rabaa inaad tallaabooyin qaadiid sida inaad suuq gayn gaar ahaaneed ku samaysid ruux walba, ama adeegaaga cusboonaysiisid, korna u qaadid adeega macaamiisha.
tallaabada sideedaad: fahan caqabadaha kaa hor imaanaya
caqabadha kaa hor imaankara waxaa kamid ah diidmada ama danayn la’aanta macmiilka, kaydinta ama isticmaalka xogta. intaba waa inaad u diyaar garawdaa xalkooda.
tallaabada sagaalaad: isbadal samee
filashada macaamiisha waxaa saameeya daqanka, dhaqaalaha iyo teknoolajiyada, waxaa ganacsaha laga doonayaa in uu markasta cusboonaysiiyo qorshihiisa ganacsi lana jaanqaado filashada dadka ku xidhan.
Gunaanad
hadii aad raacdo tallaabooyinkan waxaa xaqiiq ah inaad dareemi doontoo isbadal wanaagsan oo ku yimaada ganacsigaaga, ogsoonawna, lafalgalka macmiilka waa arin ku dhisan dag dagsiimo iyo hal abuur laga rabo ganacsadaha in uu layimaado.
maraajic/tixraac
- HubSpot. “What is Customer Understanding?” Available at: https://blog.hubspot.com/
- Salesforce. “Customer Relationship Management Tools.” Available at: https://www.salesforce.com/
- Google Analytics. “Understanding User Behavior.” Available at: https://analytics.google.com/
- Harvard Business Review. “Customer Insights Strategy.” Available at: https://hbr.org/
