waxaa jira buugaag kaa caawin kara inaad si wanaagsan u qorshayso noloshaada, gaar ahaan marka aad dejinayso qorshaha sanadka cusub. waxaad ka heli kartaa tilmaamo, farsamooyin, iyo xeelado kaa caawinaya inaad dajiso qorshe lafulin karo.
1. “Atomic Habits” – W.Q. James Clear
wuxuu diiradda saarayaa sida loo sameeyo caadooyin yaryar oo is-beddel waara kuu keena. Waxaad ka baranaysaa sida loo jebiyo caadooyinka xun oo loo abuuro kuwa fiican, taasoo muhiim u ah qorshaynta iyo guusha.
2. “The 7 Habits of Highly Effective People” – W.Q. Stephen R. Covey
Buuggan ayaa sharaxaya 7-da caado ee dadka guuleystay leeyihiin. Waxaana ka baran kartaa maaraynta waqtiga, dejinta yoolasha, iyo horumarinta xiriirka dadka kale.
3. “Your Best Year Ever” –W.Q. Michael Hyatt
waa dhigane si itaabo oo itaabsii ah kuu baraya dajinta qorshe sanadeed isku dheelli tiran adiga oo ku salaynaya qiimaynta sandii dhamaatay.
4. “Goals!” – W.Q. Brian Tracy
Brian Tracy wuxuu sharaxayaa sida loo gaaro yoolal waaweyn iyada oo loo jajabinayo qayb qayb. Wuxuu si gaar ah diiradda u saarayaa dhiirigelinta iyo adkeysiga si aad u sii wado hawshaada xitaa marka ay adag tahay.
6. “Make Time” – W.Q. Jake Knapp & John Zeratsky
Buuggan wuxuu ku barayaa sida loogu helo waqti waxyaabaha muhiimka u ah noloshaada, iyadoo laga fogaanayo mashquulka nolosha casriga ah.
7. “The Miracle Morning” – W.Q. Hal Elrod
Elrod, wuxuu sharaxayaa sida aad maalintaada uga faa’iadaysn lahayd, iyadoo xoogga la saarayo caadooyin subaxnimo oo kor u qaada tamartaada iyo wax soo saarkaaga. .
8. “The One Thing” – W.Q. Gary Keller
Gary, wuxuu diiradda saarayaa in laga shaqeeyo hal shay oo muhiim ah markiiba si loo gaaro natiijooyin waaweyn. Waxay kaa caawinaysaa inaad iska ilaaliso kala daadsanaanta oo aad xoogga saarto yoolalka muhiimka ah.
9. “Getting Things Done” –W.Q. David Allen
Haddii aad rabto inaad noqoto qof si nidaamsan u shaqeeya, buuggani waa mid muhiim kuu ah. Wuxuu sharaxayaa habka loo qorsheeyo hawlaha loogana fogaado cadaadiska iyo mashquulka.
10. “Eat That Frog!” – W.Q. Brian Tracy
Brian, wuxuu nabarayaa sida loo maareeyo waqtiga, iyo in aad marka hore qabato hawlaha culus ee aad ka dareemayso adayg.
Sidee uga Faa’iideysan kartaa Buugaagtaas?
- Akhris Joogto ah Samee: Ku dadaal inaad akhrido ugu yaraan hal buug bishii.
- Xul yoolalkaada ka hor intaadan akhrin: Dooro buug si gaar ah ula jaanqaadaya baahidaada hadda.
- dhaqan gali Waxaad Baratay: Wax kasta oo aad buug ka baratay si dhaqso ah ugu dhaqan geli qorshahaaga.
Gunaanad
Buugaagtaas waxay bixiyaan fikrado iyo xeelado kugu hagaya marka aad sameyneyso qorshaha sanadka cusub 2025. Waxaad ka heli doontaa dhiirigelin iyo habab kaa caawin doona inaad gaarto yoolalkaaga. Markaa dooro midka kugu habboon oo ku dhaqaaq qorshe cad!
