fulinta hawlaha maalinlaha ah, ka hortaga wahsiga, cajiska iyo dib u dhigida shaqooyinka waxtarka u leh nafsada qofka, iyo maaraynta caqabadaha nolosha ayaa u baahan xirfad iyo aqoon. Buuga 5 second rule nuxurkiisu waa inaad gadaal u akhridaa 5,4,3,2,1. Kadibna aad ku dhaqaaqdaa shaqada aad qaban lahayd. Hadii ay tahay ka toosida hurdo, akhrinta buug…iwm.
xeeladan ayaa waxaa hirgaliyay dad badan oo maraynka, ingriiska iyo austrelia ku kala nool, sida ku cad dhiganaha dadkan ayaa natiijo fiican ka dareemay markii ay hirgaliyeen kadib.
hadaba, ila soco ilaa dhamaadka qormada si aad buuga u fahantid ujeedka buuga.
Qoraaga Buugga: Mel Robbins
Mel Robbins waa qoraa iyo khudbadeeye si weyn loogu qaddariyo xirfada horumarinta shaqsiga. Waxayna ku caan baxday inay jabiso fikradaha adag ee cilmi-nafsiga oo ay ka dhigto farsamooyin fudud oo qof walba ku dhaqmi karo. Buuggeeda iyo casharradeeda (TED Talk) ayaa malaayiin qof gaadhay, waxaana lagu ammaanaa inay si fudud u sharaxdo sida maskaxdu u shaqeyso marka ay ka fogaato qabashada hawlaha adag. Mel Robbins waxay ku adkaysataa in qofku uu san u baahnayn tababaro culus ama dhiirigelin joogto ah si uu hawl u bilaabo. Wuxuu u baahan yahay keliya hal wax: in uu bilawga hore ku dhiirado, xitaa haddii waqtigu yar yahay.
Qisada Ka Dambeeysa Fikirka Buugga
Fikradda 5 second Rule waxay ka dhalatay xilli ay Mel Robbins nolosheedu ku jirtay qalalaase waxayna wajahaysay dhaqaale xumo, niyad jab, shaqo la’aan, daymo badan, iyo waqti ay dareentay in ay ka go’day nolosha. Waxay marar badan isku qancisay inay berri nolosheeda badali doonto hase yeeshee waxba isma badalin.
habeen iyada oo daawanaysa talefeshin ayaa waxay aragtay shirkada NASA oo diraysa dayax gacmeed lana tirinayo 5,4,3,2,1 kadibna la fasaxayo. Waxay is tidhi adna ku dhaqaaq shaqooyinka aad ubaahantahay, natiijadii ka dhalatay aad ayay ugu riyaaqday.
Muxuu Yahay 5 Minute Rule?
5 Minute Rule waa qaaciddo ku dhisan cilmi-nafsiga. Fikraddiisu waa:
- Dooro hawl aad cuslaysanaysid.
- U qabo 5 daqiiqo ah.
- Bilow hawsha adigoo aan ka fikirin wax kale.
- Markuu waqtigu dhammaado, go’aan ka gaadh joojinta ama sii wadidda.
Ujeedada ugu weyn ma aha inaad ku dhamayso hawsha 5 daqiiqo gudaheed, balse waa in maskaxdu jabiso xannibaadda bilowga. Marka aad bilaawdo, caajiska iyo walwalka ayaa ka baxaya meesh.
Sidee Looga Hirgalin Karaa Maalin Walba?
Kala jebinta shaqada
Hawsha weyn ku bilow qeyb yar oo 5 daqiiqo lagu qaban karo. Tusaale: halkii aad ka odhan lahayd “qor warbixin,” waxaad ku bilaabi kartaa “fur dukumintiga oo qor hal sadar.”
2. Adeegso saacad (timer)
5 daqiiqo maskaxda waxay siisaa xad cad oo aan cabsi lahayn. Waqtiga yar wuxuu jabinayaa dareenka kaa hor joogsan kara bilawga hawsha.
3. Samee jadwal maalinle ah
Hawsha ugu muhiimsan maalinta ku bilow ugu yaraan 5 daqiiqo. Tani waxay kobcinaysaa kalsoonidaada maalin walba ah.
4. Markaad 5 daqiiqo dhamyso sii wad.
Dadka intooda badan waxay ogaadaan in marka 5 daqiiqo dhamaato ay u diyaarsan yihiin inay sii wadaan 10, 20, ama xitaa 60 daqiiqo.
5. Ku dabaq meelo kala duwan
Habkan waxaad u adeegsan kartaa:
- Akhriska
- Qoraalka
- Mashruucyo shaqo
- Nadiifin guriga
- Barashada xirfad cusub
- Diyaarinta warbixin ama cashar
Dadkii Tijaabiyay Maxay Ka Sheegeen?
Ardayda
Arday badan ayaa sheegay in 5 second Rule uu ka saaray cabsida bilowga akhriska ama diyaarinta qoraalka. Waxay ku bilaabi karaan qoraal midigaan la’aan, waxaana la ogaaday in maalintaas ay gaadhaan wax ka badan intay filayeen.
2. Ganacsatada yar yar
Maadaama ganacsatada ay kujiraan hawlo kala duwan, 5 daqiiqo ayaa ka caawisay inay ku bilaabaan shaqooyinka ay dib u dhigi jireen: qorsheyn, email, ama hubinta xogta maaliyadeed.
3. Shaqaalaha xafiisyada
Shaqooyinka badan oo caajiska abuura sida habaynta faylasha, diyaarinta warbixinada ama kawar qabka emailka, ayaa noqdeen kuwo lagu bilaabi karo 5 daqiiqo gudaheed.
4. Dadka niyad jab ama walbahaar la tacaala
Qaar badan oo la tacaalayay fikirka badan (overthinking) waxay sheegeen in waqtiga gaaban uu ka saaro culayska maskaxda. 5 daqiiqo ayaa si fudud uga dhigta hawsha mid la tijaabin karo oo aan waqti badan u baahnayn.
5. Kuwo u isticmaala jimicsiga
Dad badan oo jimicsiga ku dhibtooda waxay ogaadeen in markay ku bilaabaan 5 daqiiqo, badanaa ay sameeyaan tababar dhamaystiran.
Qiimayn iyo Gunaanad
5 Minute Rule ee Mel Robbins waa xeelad sahlan oo lagu jabiyo caqabadda ugu weyn ee hor taagan dadka: bilowga hawsha. Inkastoo ay u muuqato mid aad u yar, saameynteedu waa weyn tahay marka la eego joogteynta iyo dhisidda caadooyin cusub.
Xeealadan waxay ku habboon tahay qof kasta oo raba:
- In uu ka takhaluso dib-u-dhigista
- In uu kordhiyo wax-soo-saarka
- In uu yareeyo walbahaarka bilowga hawsha
- In uu dhiso nidaam maalinle ah oo fudud
Marka si joogto ah loo isticmaalo, 5 Minute Rule waxay noqotaa furaha lagu dhaqaajiyo maalin kasta, iyadoo qofka ka caawinaysa inuu bilaabo hawsha uu muddo ku fikirayay. Waxaa ugu muhiimsan in 5 daqiiqo ay noqdaan dariiqa ugu fudud ee lagu bilaabo wax kasta oo adkaanaya.
